பாட்டிலே பழங்கால தமிழ்க் கணிதம்
- பாலாப்பழத்தின் சுளைகளைக் கணக்கிடும் ஒரு தமிழ்ப் பாட்டு:
பலா பழத்தினை வெட்டாமலேயே, அதிலுள்ள சுளைகளின் எண்ணிக்கையை காண, பழம்பெரும் கணித நூலான, கணக்கதிகாரத்தில் ஒரு பாடல் உள்ளது.
"பலாவின் சுளையறிய வேண்டுதிரேல் ஆங்கு
சிறுமுள்ளுக் காம்பருக் கெண்ணி –வருவதை
ஆறிற் பெருக்கியே ஐந்தினுக் கீந்திடவே
வேறெண்ண வேண்டாஞ் சுளை"
உரை:
பலாப்பழத்தின் காம்புக்கு அருகில் உள்ள சிறு முட்களை எண்ணிக்கையை 6 ஆல் பெருக்கி வரும் விடையை 5 ஆல் வகுக்க கிடைக்கும் ஈவானது பழத்தினுள் உள்ள சுளைகளின் எண்ணிக்கையாகும்.
அதாவது,பலா பழத்திலுள்ள முற்களின் எண்ணிக்கை : 100
இதை 100 X 6 = 600, பின்பு இந்த 600 ஐ 5 ஆல் வகுக்க, விடை 120 ஈவாக வருகிறது.
இதுவே சுளையின் எண்ணிக்கையாகும்.
- பூசணிக்காயின் விதைகளைக் கணக்கிடும் ஒரு தமிழ்ப் பாட்டு:
பூசணிக்காயை உடைக்காமல், அதிலுள்ள விதைகளின் எண்ணிக்கையை காணவும், இந்த கணக்கதிகாரத்தில் ஒரு பாடல் உள்ளது.
""கீற்றெண்ணி முத்தித்துத் கீழாறினால் மாறி
வேற்றையஞ்சு தன்னில் மிகப்பெருக்கிப் பார்த்ததிலே
பாதி தள்ளி மூன்றிற் பகிர விதையாகும்
பூசணிக்காய் தோறும் புகல்" "
பாட்டின் உரை:
ஒரு பூசணிக்காயின் கீற்றுகளை எண்ணிக்கொண்டு அதை மூன்று, ஆறு, ஐந்து இவற்றால் பெருக்கி வரும் விடையை பாதியாக்கி மீண்டும் மூன்றால் பெருக்கினால் வருவது விதைகளின் எண்ணிக்கையாகும்.
அதாவது, கீற்றுகளின் எண்ணிக்கை = X என்க.
இதை மூன்று, ஆறு, ஐந்து ஆகியவற்றால் பெருக்க. 3*6*5*X = 90X ஆகிறது.
இதை பாதியாக்கினால் 45X ஆகிறது. பின்னர் மூன்றால்
பெருக்க 135X ஆகிறது.
இதை சுலபமாக சொல்வதென்றால் கீற்றுகளின் எண்ணிக்கையை 135 ஆல் பெருக்கினால்
விதைகளின் எண்ணிக்கை கிடைக்கும்.
கணக்கதிகாரம் என்ற அற்புத நூலை காரியார் என்ற காரிநாயனார் இயற்றினார். இந்த நூல் 1862ல் அச்சிடப்பட்டுள்ளது. இதில் 64 வெண்பாக்களும்இ 46 புதர் கணக்குகளும் உள்ளது. இதிலுள்ள ஒவ்வொரு கணக்கும் மிக அற்புதமான கணக்காக திகழ்கிறது. இந்த நூலின் ஒளி நகல் தற்போது வலைதளங்களில் கிடைக்கிறது.
